ہرت یافتہ گروپ بزم اعلی حضرت کے طرحی مشاعرہ میں کہا گیا کلام

شہرت یافتہ گروپ بزم اعلی حضرت کے طرحی مشاعرہ میں کہا گیا کلام

________________________

مہکتا ہے سدا ہردم گلی کوچہ مدینے کا

یقینا رشک جنت ہے ہر اک ذرہ مدینے کا

عقــــیدہ اہلسنت کا یہی ہے روز اول سے

وہی حقدار جنت ہے جو ہے شیدا مدینے کا

شہنشاہ دوعالم کی نگر کی شــان کیا کہنا

جہاں کے پھول سے بہتر ہوا کانٹا مدینے کا

مری ویران شاخوں پہ کرم ہو اے مرے آقا

نسیم صحر بن آئے کبھی جھونکا مدینے کا

خدایا کاش مل جائے جو لمحہ بھر زہے قسمت

ہزاروں ســـال سے بہتر ہے اک لمحہ مدینے کا

فلک پر بلبل سدرہ نے جو دیکھا بہتر بار

قسم اللہ کی بیشک وہ ہے تارہ مدینے کا

کلی دل کی کھلے گی اور مقـــــدر جگمگائے گا

سفر کے شکل میں مل جائے گر تحفہ مدینے کا

بلال ناتواں کی بس یہی ہے آخری خواہش

دکھا دے یا خدا مجھ کو کبھی جلوہ مدینے کا

________________________

طالب دعا : محمد بلال برکاتی نیپالی