ہمارا دل بھی ہمیشہ علی علی بولے

عالمی شہرت یافتہ گروپ بزم غوث الورٰی کے طرحی نشست میں کہا گیا کلام

_____________________

ہر اک کمال کا رتبہ علی علی بولے

شرف کا گوہر یکتا علی علی بولے

ہر ایک پتہ شجــر کا علی علی بولے

چمن کا سارا شگوفہ  علی علی بولے

کلی بھی پھول بھی غنچہ علی علی بولے

ســــــــــدا چمن میں پپیہا علی علی بولے

زمـانہ سارے کا سارا علی علی بولے

ہمارا دل بھی ہمیشہ علی علی بولے

زمین خــــلد کا ذرہ علی علی بولے

فلک کا چاند ستارہ علی علی بولے

فضا میں حیدری شمشیر لہلہاتے ہی

ہر اک جــــہاد کا نقشہ علی علی بولے

بلا میں میری بلا اس گھڑی پڑی واللہ

جو میرے دل کا دریچہ علی علی بولے

گلوں کے حسن تبسم کو چوم کر بیشک

سحـــر کا شبنمی قطرہ علی علی بولے

ہوئی ہے جس گھڑی مولود آپ کی واللہ

ادب سے جھک کے وہ کعبہ علی علی بولے

اکھاڑ پھینکا تھا اک ہاتھ سے جو خیبر میں

قســــــــــم سے آج بھی قلعہ علی علی بولے

علی کا وصف پرویا ہے ہم نے شعروں میں

ہمـــــــــارے شعر کا لہجہ علی علی بولے

مجھے بھی اپنے درپاک پر بلا لیجے

غم فراق کا لمحہ علی علی بولے

بھنور کا خوف نہیں ہے بلال٘ عاصی کو

ســـــــمندروں کا کنارہ علی علی بولے

_____________________

طالب دعا : محمد بلال برکاتی نیپالی

+974 31418731