نبی کے چار یاروں کی بڑی اعلی فضیلت ہے صداقت ہے عدالت ہے سخاوت ہے شجاعت ہے

ممتاز گروپ بزم غوثیہ رضویہ کے طرحی مشاعرہ میں کہا گیا کلام

______________________

نبی کے چـــار یاروں کی بڑی اعلی فضیلت ہے

صداقت ہے عدالت ہے سخاوت ہے شجاعت ہے

أطاع الله  کے  مفہوم سے  ظاہر  یہی  ہے بس

محمد کی اطاعت ہی مرے رب کی اطاعت ہے

شہِ کونین کی الفت کا یہ صدقہ ملا مجھ کو

مقدر پہ میں نازاں ہوں مــرا ایماں سلامت ہے

اگر آقـَــــــــــا نہیں آتے تو عَالَم بھی نہیں بنتا

ترے ہی دم قدم سے اس جہاں کی زیب و زینت ہے

نبی کے دین کی خاطر لـــٹا ڈالا گھرانے کو

حسین ابن علی تیری بڑی اعلی شہادت ہے

بنـــــایا آن میں اک چور کو ابدال کیا کہنا

مرے غوث الورٰی یہ آپ کی ادنیٰ کرامت ہے

مِــــــــــــرے اوپر ردائے فاطمی ہے سائباں بن کر

دکھائے آنکھ مجھ ناچیز کو یہ کس کی ہمت ہے

شبِ ہجـــــرت نبی کے پاک بستر پر علی مولا

بلا خوف وخطر سوئے یقیناً تیری جرأت ہے

بلال٘ ناتواں پر ہو کــــــــــــرم کی اک نظر آقا

در سرکار پر پہونچے یہ اس کے دل کی یہ حسرت ہے

______________________

طالب دعا: بلال برکاتی نیپالی