ان کے گلی کی آب و ہوا کچھ نہ پوچھئے دیتی ہے زندگی کو جلا کچھ نہ پوچھئے

ان کے گلی کی آب و ہوا کچھ نہ پوچھئے

_________________________________

ان کی گلی کی آب و ہوا کچھ نہ پوچھئے

دیتی ہے زندگی کو جلا کچھ نہ پوچھئے

طیبہ  نگر کی  شام و سحر بے مثال ہے

دربار مصطفے کی فضا کچھ نہ پوچھئے

خالی  در  حضور  سے  لوٹا  نہیں  کوئی

ان کے کرم کی پیاری عطا کچھ نہ پوچھئے

پہونچے در حضور پہ قسمت سے جس گھڑی

عاشق کی ان کے در پہ ادا کچھ نہ پوچھئے

مشکل میں میں نے جس گھڑی مشکل کشا کہا

پھر کس طرح ٹلی ہے بلا کچھ نہ پوچھئے

خوف خدا میں آنکھ سے آنسو ہیں جب بہے

بخشی گئی ہے کیسے خطا کچھ نہ پوچھئے

کلمہ پڑھا ہے مٹھی میں بوجہل کی تبھی

کنکر ہوا ہے کیسے رہا کچھ نہ پوچھئے

ایوان نجدیت میں_ بریلی کا دوستو

ٹھوکا ہے ایسا کیل رضا کچھ نہ پوچھئے

سائل کو مصطفے نے جو بھیجا تھا اک دفعہ

عثماں غنی نے کتنا دیا کچھ نہ پوچھئے

تم پر  بلال  نظر کرم مصطفے کی ہے

ہر کام بن رہا ہے صدا کچھ نہ پوچھئے

____________________________

طالب دعا - بلال برکاتی نیپالی